धौ चुप्प च जून हरच्यूं

धौ चुप्प च जून हरच्यूं

धौ चुप्प च जून हरच्यूं
निंद बि आज बाटू बिरड़ियूं
नपड़क ऐजा तू बि यख
ज्यू ते बान हि देख अलज्यूँ

रौल मां पड्यूं दूदू बादल
पाड़ा दग्डी कन अंगल्यूं
अखळ -चखल तू बि ऐजा
मि त्वे बाना यख बैठ्यूं

रितू छैईं च मधुमास कि
छूईं लगाणी तेर बकिबाता कि
मैतोल मन मां घोल ह्युं छा
जीकोडि भित घपरौल मच्यूं छा

ब्याळ जनि ऐ गैना बि
सुबेर धूळ मां ना ग़ुम ह्वैजा
आ तेर पीड़ा आँख्यूं दग्ड
मि बि इक राति त सै जों

धौ चुप्प च जून हरच्यूं
निंद बि आज बाटू बिरड़ियूं

बालकृष्ण डी.ध्यानी