आँख्यूं मां

आँख्यूं मां

आँख्यूं मां ठैरियूं समुदर
टिप टिप कैरि आनू होलो भैर

वो अदा अपुरा रयां सुपनिया
आज ऐकी अप्डी ब्यथा लगाणु छ

ब्याळ रात मां सैद सैलाब गुजरि
अखौल कूड़ा छुई लगाणा छन

कुच लोक बोल्दा उजाड़ वों ते
पर सुणा वख घुघूती घुरन्दी छ

परीक्षा लेणू व्हाळु बगत अप्डू
वै भाना वो पीड़ा विधा सिकणु छ

वै बगत जिकुड़ी टुटी जांदी होली
जबै बाबा समण छवार गुरादूं छ

ध्यानी डैरी ना जबै क्वी ना दे गवै
चाक़ू खुद समण ऐकी साक्ष्य देणु छ

आँख्यूं मां ठैरियूं समुदर

बालकृष्ण डी. ध्यानी