बिरळि सि बल मि क्य छौं? पजल-8 जगमोहन सिंह रावत 'जगमोरा'. GARHWALI PUZZLE

सगि  हूंदी  जी   ब्वै

त किलै  आंदि  रुवै

ब्वै  बल  चंद्रमुखड़ी

हुंद  सूरिज   मुखड़ी

त  बल   पु रनमासी

त  एक  दिनै   मासी

जु बल  मौस्याण  ह्वै

वु बल  औस्याण  ह्वै

बल छोड़ो नि  कव्वा

कभी अपणो  लव्वा

कफ्फू  का  पोथला

पलि ह्वै जंदन हव्वा

कफ्फू  का   पोथलू

त कफ्फू मा  जौंला

घुघुति को  लठ्यालू

करु सुद्दिक चंचौला

काग  ककड़ांदि  रंदि

त  पीना  पकदिं  रंदि

खाणुखुबु जत्ग भात

काणु कुबु एक  जात

कव्वों म  बल  हाडगु

कुव्वों  म  जन  मेंढ़गु

अपणु  माटि क  उंडौ

बिरणु माटि  क  फुंडौ

बल  बिरळा   भागन 

त  बल  छींका  फुटा

अर  स्याळा   भागन

त  बल   मेलू   पका

औंस सि औंसी  छौं

इलै  मौन   सी    छौं

बल  मि  माँ  सी  छौ

बिरळि सि मि क्यछौं? 

शब्दार्थ

ब्वै- मॉं   रुवै-रोना)   मौस्याण-सौतेली माँ   औस्याण-अमावस सि    कव्वा-कौआ    लव्वा-रंग    कफ्फू- कोयल   पोथला-बच्चे ‌ हव्वा- उड़नछू   घुघुति-कबूतर की प्रजाति का पंछी    लठ्यालू-बच्चा     चंचौला-चोंचले    ककड़ांदि-कांव कांव करना    पीना- खाने की पिन्नी   काणु कुबु (काना कुबड़ा कौआ)    हाडगु: हड्डी ‌  मेंढ़गु-मेंढ़क    उंडौ- इस तरफ‌       बिरणु (पराई)  फुंडौ-उस तरफ   बिरळा-बिल्ली के   स्याळा-सियार के   मेलू:चीकू फल      औंस सि औंसी (औंसमात्र अशुभ)    बिरळि सि- बिल्ली सी

जगमोहन सिंह रावत 'जगमोरा'

प्रथम गढ़गीतिकाव्य पजलकार

मोबाइल नंबर-9810762253

नोट: पजल का उत्तर एक शातिर चित्तचोर की तरह अपनी ओपन निशानदेही के चैलेंज के साथ छंदबद्ध स्वरूप पजल में ही अंतर्निहित तौर से छिपा हुआ होता है